أتــَــذ َكٌَـــــــــــــــــــر

كان فيه زماااااااان شجرة توت
كل الأطفال تحتها بتفوت
تجرى وتلعب توت توت
حلم ضغير قلب ضغير عصفور أخضر
أصحاب أحباب قلبنا مفتوح
وعيون فرحانه
طيور بتلف تدور
وتعدى سنين والعمر يفوت
وأرجع من تانى وأدور على شجر التوت
ألاقى بيوت وبيوت
وناس اغراب
وفى قلبى دموع وآلام وعذاب
فاكرانى يا سمرا

-لأ مش فاكره
-ده زمان وسنين عدت وكتير جم وياما ناس بتفوت

كنا أصحاب والباب كان جنب الباب
كنا بنحلم نبقى شباب
فاكره عروستى
طيب فاكره الكوره والعصفوره

-لأمش فاكره
-بعد سنين راجعه لمين

راجعه بدور على أصحابى
راجعه بدور يمكن ألاقى عمرى وشبابى

-بس خلاص إحنا كبرنا وإتغيرنا
-وإتفرقنا وإتبعترنا

بس رجعنا وإتجمعنا

-انتى فى دنيا وإحنا فى دنيا

أنا عايزاكم مش ناسياكم
دورت عليكم كتير وتوهت
الشارع إتغير كان زمان صغير
وكام بيت متبعترين
وإحنا تحت التوت متجمعين
فين شجر التوت

-الدنيا إتغيرت والأشجار إتقلعت ومكانها بيوت

ليه كان بيت واحد بيساعنا
وكل مكان هنا بيجمعنا
كان بيت دافى وقلبنا صافى

-إنسى كلمه كان خليكى فى الآن

تقصدى أمشى وأبعد تانى

-أنا مش فاهمه راجعه ليه تانى

منا قلت كنت بدور على أصحابى
ليه ناسيانى قولى يا سمرا ردى عليه

-أنا مش فاكره كله إتغير
-بصى لنفسك ........ أنا أعرف طفلة بضفاير
-حلم وفرحه فى قلبها طاير

وأنا أعرف سمرا وجميله
ورموشها طويله وكحيله

-إرجعى تانى مش هتلاقى ليكى مكان
- كله إتغير

أنا من غيركم تايهه لوحدى

-وبننا هتبقى فى غربه إبعدى وإنسى


27/12/2003